|
LIN`GIT NAA.GU DAA`T AT
CONCERNING TLINGIT MEDICINE
Kalnaa·kw x’ei
· dax
by Emma Williams
1 Haa tlei·l tlax xwasaku kutx
hei` wei s'axt' yoo’ twasaa·gu at.
A daa`kak'ats'i awei` aa`x duxas'ch s'e.
A a kaxi awei` aa`x dulxas'ch.
5 A we naa·kw sakwx dulyei·x yaa
a kaxi.
Dustaa·ych yei’ kugei` hee·n kat.
X'aa`n yax x'ananee`ch yan woo`.ee`yi.
Aa`x daa`k dus.inch.
Kat.lchaa·ych s'isaa` too·nax.
10 A awei` atx dustee` nuch,
yoo’ ax ee`n katnee·k,
yaa s'aa`gi tunee·kw yis yak'ei·,
ka kaa` shei`yi alk'ei·,
ka kaa` tei·x' nee·gu ax
dashee`,
15 yoo’ katnee·k.
Ayaa` kutstee` tsu
a xoo`de yei` yoo` dutsnee`gi aa`,
shaa·ch' yoo’ dwasaa·kw,
yaa gil'yaa`nax koos.aa·ych,
20 ka ch'oo` ya kei`shish yoo’ twasaa·gu aa`sax·w
saa·ni kaa`nax koos.aa·ych,
shaa·ch',
A xaa`di ayoo` yei` daa`tnei` nuch tsu.
A tsu a xoo` yei` t.uxx' nuch,
yaa shaa·ch’ yoo’ twasaa·gu.
25 A ku.aa` yoo’ ayoo` kaa tei·x'
nee·gux' yak'ei·. (phon. wak'ei·)
A yaa kusa.aa’t' kaa xoo`t yei` woo`nee`yi,
ayaa` yaa’ ax xan aa` du ee’shch
haa x'ei`s yei` woo`snee`yin a.
Ch'aa·kw, 1918,
30 kaa xoo`t yei’ wanee· yoo influenza
yoo’ dwasaa·gu nee·kw.
A yaa haa x'ei`s yei’ aw`snee`,
s'axt', ka ya shaa·ch',
ka x'us' kaxi, ka yan loo`ni,
yoo k'oo’x' a kaa’ yei natee`ch aa`.
35 Yei’ ayaa` woo`sh xoo`x' has awlyex haa` x'ei`s.
Ayaa· tudanaa` nuch,
ch'a dee`x wutulyex.
Aa tlei·l haa woo`nee·kw,
yaa haa kaa’ jiwdagoo`di,
40 yoo koo`wa.ee`ni nee·kw.
Yoo taa·kw k'adei·n haa x'ei·x
has aa`watee`.
A t'aa`kde awei`s
Naa·s ee`x,
tlei·x' shal kat,
45 shal tlen` yoo` gatoo`lxwenk nuch
tlei·x' dahee·n tlei·x' yakyee`.
Yoo Naa·s ee`x ka yoo s'axt'
woo`sh tin has awstaa·.
Dei` yaa’ ax xan aa` du tlaa’ch yei’ haa
yawskaa`,
50 "Goo`x' sa hee·n hee ee·t wahaa·,
hinyei`t shoo`wu naydanei·x."
Ch'a aa`x tlei·l haa woo`nee·kw,
yoo at atx tusatee`yi,
yaa’ ax xan aa` du ee’shch
55 ch'a tlakw yaa` nagut. (phon. tlakw waa`)
Yee·s aa` yei` yoo` has asnee`k tsu,
kawt.lal'oo’x'u itx' yoo’ awstayi aa`,
yoo naa·kwx has aw`lyex haa jis,
yaa nee·kw kaa` xoo`t yei` woo`nee`yi.
60 Yoo Naa·s ee`x ayoo`
x'ei·gaa` atx wustee`,
ch'oo` kunaa’ yatee`yi nee·kw koo·t
woo`tee`yi yoo’ a,
yei` kunexch atx dustee`yi,
yaa s'axt'.
65 Ayaa yei’ ayaa` xwaskoo· a daa`t at,
aa yaa ax xan aa` du tlaa’ch,
Kinle yoo’ dwasaa·kw du saa`yi,
hoo·ch ax ee`n akanik noo`jin,
ach ayaa` xwaskoo·.
70 Ka yaa·t'aa` tsu,
yaa yei’l', yei’l'xaa`di,
a ku.aa` ax tlaa’ ganee·kw,
du x'ei`s yei` wdutsnee`.
Yoo yei’l'xaa`di kei` kawduts.haa·,
75 wut.l.oo’s'i itdax awei`,
has akaw`st'ex',
a yaa·x' awei` s aw`staa·.
A ayoo` ax tlaa’ x'ei`x has aa`watee`.
A ku.aa` yoo pneumonia yoo’ dwasaa·gu nee·kw
ayoo`
80 du ee’ yei` woo`nee` ax tlaa’,
aa`wat'ee`.
Ayoo· du x'ei`s yei` wdutsnee`
Yoo yei’l' kaxaa`di.
Tlax wultsee`n.
85 Yan shkwax' yei haa tee`yi ayoo`,
du ee·t at watee·.
A ayoo` du x'ei`s yei’ awsnee` shaa`watch,
yoo yei’l' kaxaa`di.
Ax ee`n kaw`twanee`k shei’x'w,
90 shei’x'w yoo’ dwasaa·gu aa`,
a kaxi tsu naa·kwx sitee`.
Dustaa·ych,
tlax x'aa`n yax nanee`ch a hee·ni.
At too·nax kaw`t.lchaa`yi itx' ayaa`,
95 tsaa’ a too·tx dunaa` nuch, naa·kw.
Ka xwastee·n,
ax ee’sh du waa`k nee·gu,
aa’ jikawdwakaa`,
du waa`k aa`n a.us'kw nuch
100 yoo shei’x'w hee·ni.
Ayaa` du jin tin akwach nuch,
a kax' wuch yaa`x yoo` atlgink nuch,
yoo du jin tin du waa`kx akwaa`ji.
Ka tsu askukk a jee` yei` yatee`yi
kaa’
105 tsoo` atx sitee` yoo shei’x'w.
Ka a xoo`wu
yoo shachk kaa`x yei daa`dnei` nuch at.
Yoo` at oo`wayaa·, yan t'ani,
yei’ kwaa` kutlyaa·tl',
110 shachk kaa` kasa.ei·x.
A tsu a xoo` yei` yoo` dut.snee`k
askukk koo’ yei` tee`yi,
ka kaa` daa` hei·l ulchee`ni
atx duts.tee` ax',
115 yoo naa·kw.
Yoo’ ayoo` ax ee`n katnee·k.
Ka yaa ax shatxch ax ee`n kaa`wanee`k,
Taa·kw Aa`nix',
kuw`snee`x yoo kaa’ --
120 dlei`t kaa’ch yei yasaa·kw ulcer
--
du yoo`wux'yee’ wdwat'ee`.
Tlei·l aa`de at gwaa`xaa`yi ye.
A ayoo` du chaa`nch du x'ei`s yei` wsnee`
yoo naa·kw, shei’x'w,
125 ka yoo yan t'ani oowaa` nuch at (phon. yoo wan)
shachk kaa’ kasa.ei·x nuch.
A yaa`de yaa` nasxuk,
ayu du chaa`nch du x'ei`s yei` wsnee` yoo naa·kw.
Adanaa` nuch
130 nas'k dahee·n tlei.x' yakyee`
hinyei`t shoo`wu.
A jee`dax woo`nee`x.
Du yoo`wu aw`snee`x,
yoo ulcer yoo’ dwasaa·gu at aw`snee`x.
135 Yee`dat yei’ daa’.it kutgei·.
nee`tl jee`t.
Aa`gaa· tsaa’ ak' aa`wahin
yoo naa·kw x'ei·gax satee`yi.
Yei’ ayoo` xwaskoo·,
140 yaa yei’ gugei·nk' a daa`t
yaa shei’x'w
ka yoo shachk kaa`nax koo`s.aa·ych --
haa`w usyaa`,
kutstee` a saa`yi,
145 tlei·l kwa xwasaku.
Ka ch'u yoo yei’ toosaa·kw nuch yoo shachk latsee`ni,
dei·x yee`daa`de yatee`.
Kindachoo·n a daa` katlxwas'i aa`,
yoo’ a kayaa`nx'i saa·ni yei’ kutlsaa.,
150 a tsu, a xoo`x shukattee`,
tlei·l yoo yinde lukool.at aa` a kayaa`ni, (phon.
yoo winde)
a yoo kindachoo·n yan kool.atch aa` ayoo`,
a tsu, a xoo` yei` t.uxx'.
A ayoo` yoo kaa’ ach wusnee`x du yunee·gu,
155 doctor-ch du ee`n kanee·k ulcer ayoo`,
tlei·l aa`de at gwaa`xaa`yi ye.
A yoo naa·kw adanaa`yi ayoo`,
ch'u tle gunei’ wagut tsu,
ch'u tle tsu gunei’ at waxaa·,
160 a yaa ach wusnee`x.
Ak' ayahee`n,
yoo naa·kw, Lin`git naa·kw,
du ee·t wudashee`yi.
A yaa yee`dat ch'u wei’ yagoo`t,
165 a tlakw yaa Lin`git naa·kw atx astee`.
Yei’ ayaa` koogei· Yaa xwaskuwu aa`
a daa`t at yoo naa·kw.
Yaa tlei·x' aa` tsu,
yaa ax xan aa`,
170 ax xan aa` nee·gu --
tlei·l wut.saku waa’ sayoo` yanee·kw
--
ch'a tlei`x ee`t kaa’ yei` yatee`.
Yoo doctor-ch du x'ei·x tee`x naa·kw
tlei·l du ee·x udashee`.
175 Ach ayoo` ax tlaa’k'w haa woo`tsaa’y ax
shatx tin,
"Shachk kaa`dei· kaxtoo.aa`t.
Aa`gaa·kukaxtooshee· wei naa·kw,
Nas'k yee`kaa`de yatee`.
Aa wtoot'ee`yi,
180 de waa’ yee` gwanee`xi sawei`,
haa` yayee`de yei` kugastee·,"
yoo’.
Ayu du ee`n wutwa.aa`t shachk kaa`dei·.
Naa`lei· at wutwa.adi ye.
Ayu aa’ haa ee`n akaawanee`k
185 waa’ sa duwatee·n yoo kayaa`ni,
ka yoo guwakaa·n tsee·gi yoo’
toosaa·kw nuch at,
a xoo`ni,
a kwa ch'a dei·x ayoo` yaa`nax
koos.aa·ych kindachoo·n,
ka yoo k'uwaa`ni tsu.
190 A tsu ch'a dei·x woosh t'aa`kx' kana.ei·ni.
ch'u tle k'wat'x' saa·ni yax katxwas' a kayaa`ni.
Diyashk yoo’ at.
Ka yoo’ at tsu,
aa·tagwei·x'i xaa`di,
195 a tsu, aa`gaa· kutooshee·,
a woosh gunayaa·x wutut.aa`t.
Haa shukaawajaa· ku.aa`
aa`gaa· kukaxtootee’s' at.
Ayu a kax aa` xwaagoo`t
200 yoo guwakaa·n tsee·gi yoo’ toosaa·kw
nuch at.
A yax yatee`,
a ch'a dei·x kwa yoo yaa`nax
koos.aa·ych a ayoo`, (phon. yoo waa`nax)
naa·kwx dulyeix a ayoo`.
Ka yoo k'uwaa`ni yoo’ tswasaa·gu aa` ku.aa`,
205 a ayoo’ ax tlaa’k'wch a kax woo`goo`t.
A sh tugaa` dati ayoo`,
tle "Gunalchee·sh" yoo’ yaa`wakaa`,
(phon. yoo’ waa` …)
"De aa` xwaa`t'ee`."
A yoo·de kei` wa.ix' ax shatx, Daa`gei·s,
210 "Aa xwaa`t'ee` yaa aa· tagwei·x'i."
"A xaa`di x'wan,"
yoo’ yaa`wakaa`, (phon. yoo’ waa`wakaa`)
"a xaa`di kei` kasaha.
K'e kunakayaa`.
215 Yat'ee’x' wei’ at,
yoo’ a, yat'ee’x';
ch'a kunakayaa`.
A daa`x kagee`s.ha."
Ayoo` a daa`x kukaw’ts.haa` ax shatxch.
220 Haa, waa’nee· sawei` ayaa`wadlaa`k.
Nalyei·de kanas.ei·ch yoo’ a xaa`di.
Awei akanee·k, "Yaxwaa`dlaa`k."
Ax tlaa’k'wch kei` wa.ix',
"K'e a xaa`dit ee`lgin.
225 Wudanaa`gu tlei·l uk'e."
"Tlei·k'," yoo’ yaa`wakaa` ax
shatx, (phon. yoo’ waa`wakaa`)
"ldakat yak'ei·."
Dlei`t kaa’ x'ei·nax yei’
yaa`wakaa`,
"Thank you, God, wutwat'ee` ya naa·kw."
230 Woo`sh xant wutut.at.
Yoo’ ayoo` woosh kik yaa`yi ayoo`,
yoo nas'k yee`kaa`de yatee`yi at.
A ayoo tle aa`n ee`k wutwa.at.
Nei`lde yei’ aw`snee`.
235 Nei’lx' awei` tsaa’ aw`staa·.
a dei·x yakyee` it awei`,
aa`n haa`t wagut,
ch'u at xa.aa· yaa· nei`lx',
ax' haa xant yei’ aw`snee·.
240 Nas'k, nas'k yee`kaa`de t'oo`ch'inei`t kaa’ yei’
aya.oo·.
A yei’ haa yawskaa`,
"Wei· hinyei`t shoo`wu x'wan,
nas'k dahee·n tlei·x' yakyee`,
anaxdanaa·.
245 Lil a x'aa·x yaa` koo`xixjik.
Ch'oo` l ldakat yaa· nas'k t'oo`ch'inei`t akawoo`ll'oo’x'u,
yei` kaxyisatee·n kei shakuxdanoo·k,"
yoo’.
"Wei·t gwagoo·t
ka at gwaxaa·."
250 Hei yei’ woo`tee`.
Yoo nas'k t'ooch'inei`t yax ayakalal'oo·x',
ch'u tle du yaa`gu daa` yux woogoo`t.
Ch'u tle yoo woo`nee`x,
ch'u tle gunei’ at waxaa·.
255 Yei’ ayaa` koogei· wei a daa`t xwaskuwu
at
yaa nas'k yee`kaa`de xwaa`sayi aa`,
yaa k'uwaa`ni,
ka aa· tagwei·x'i xaa`di,
ka yaa guwakaa·n tsee·gi usyaa`
nuch at
260 ch'a dei·x a yaa`nax koos.aa·ych,
woosh kik adi ayaa`.
Yei’ aya nas'k woosh tin dustaa·ych.
Yei’ awei` xwaskoo· a daa`t at.
Haa yaa yan tsu
265 a ku.aa` tee·l naa·gux sitee`,
goo` sa woo`sei’l'i ye,
a yis yei yoo` dutsnee`k.
A tsu xwastee·n
aa`de yaa· ax xan aa` du x'oo`s
270 at k'atsk'ux satee· –
yan shkwaa’ yei` kunatee`jin ch'aa’kw,
tlei·l aa`nx' yei koo`tixx'w nuch –
a du x'oo`s aawas'uw.
Aya du kaa·k shatch wuskoo· yoo naa·kw,
275 aa`s daa`k'oo’x'u,
ka tsaa` l'oo’t'i yoo’ dwasaa·kw kayaa`nx'i
saa·ni,
goo` sa hee·n ax kaa`wadaa`
a x'ayaa`x s'ix'gaa` kaa`de koo`ls'ix'wch,
a yaa`yi
280 yoo tsaa` l'oo’t'i yoo’ dwasaa·gu kayaa`ni
yatsx'i,
yei’ kutlsaa·,
ka yaa·x' awe wei· yan,
yan daa`k'oo’x'u,
yei` has awsnee`,
285 ka haa`w t'ani gitgayi yoo’ toosaa·kw
nuch at.
Yoo daa`x'oo`n at ayoo`,
yoo naa·kw,
ayoo` yoo kutl'kw aa`x has aawa.oo’s',
wei· kayaa`nidax.
290 Yoo nas'k yatee`yi aa` ayoo`s has akaa`wat'ix'.
Yaa·x' ayu yoo k'oo’x' tin has akawlwus'.
A yoo du kaa·kch ayoo` a daa`t yawstak.
Du x'oo`s yoo woos'ei’l'i ye,
aa`was'uwu ye,
295 has awoo.oo’s'i k'adei·n,
yaa.x' awei` woo’shde aw`lshaa’t du jin tin,
latsee`n tin yoo’.
Yaa·x' awe wei’ at xashti kaa’ yei s aa`wa.oo`
guwakaa·n doo·gu,
300 wei· k'oo’x'ka wei· kayaa`ni,
nas'k yee`kaa`de,
ch'oo` tle a ka,
aa`n has akaa`was'it,
ch'u tle tleeyei·x'.
305 Ch'u tle a kaa’ gunei’ woo`xee`xi tsaa’
tsu a dasei’ has aa` wootiych,
ch'oo` a itde awei`,
wei’ aa`s daa`k'oo’x'u.
Awu a,
310 ch'oo` wei aa`s daak'oo’x'u,
wei’ at xashti kax',
a kat has akooyee`kch, (phon. akoowee`kch)
a kinaa· s'isaa` tin has akoo`s'itch.
Aa ach wusnee`x du x'oo`s,
315 dei yaa woosh xani yei haa datee`yi.
A yoo doctor-ch daa` yoo’ akoo`lgingi awstee·n,
du yaa’ lk'ei·, (phon. du waa’)
ach x'ei`woo’s',
"Daa` sa atx yee`ystee`?"
320 Aa`n akanee·k, "Aa`s daa`k'oo’x'u ayaa`
ach wusnee`x yaa’ ax x'oo`s,
tee·l tlen`."
Aa yei’ awei` xwaskoo· yaa·t'aa,
yaa· k'oo’x' ka yaa· kayaa`ni
tin woo`sh xoo` yei` wt.snee`yi,
aa`de atx dutstee`yi ye.
|
